Techinical News

venus mission 2024, భూమికి కవల గ్రహంగా భావించే శుక్రుడి గుట్టు విప్పేందుకు ఇస్రో సన్నాహాలు – isro plans to launch mission on venus by december 2024

[ad_1]

చంద్రుడు, అంగారక మిషన్‌లను విజయవంతంగా పూర్తి చేసిన భారత అంతరిక్ష పరిశోధన సంస్థ (ఇస్రో) తదుపరి శుక్రుడిపై ప్రయోగానికి సిద్ధంగా ఉంది. ఈ ప్రయోగంతో అమెరికా, అనేక ఇతర దేశాల సరసన భారత్ చేరనుంది. శుక్రుడి వాతావరణాన్ని అధ్యయనం చేయడమే ఈ మిషన్ ముఖ్య లక్ష్యం. ఈ గ్రహాన్ని సల్ఫ్యూరిక్ యాసిడ్‌ మేఘాలు కప్పి ఉంచడం వల్ల అక్కడ విషపూరితమైన స్వభావం ఉంటుంది. ఇస్రో ఛైర్మన్ ఎస్ సోమనాథ్ మాట్లాడుతూ.. ఈ మిషన్ కోసం అనేక సంవత్సరాలుగా పనులు కొనసాగుతున్నాయని, శుక్రుడిపైకి ఆర్బిటర్ పంపడానికి సిద్ధంగా ఉన్నామని స్పష్టం చేశారు.

‘‘ప్రాజెక్టు నివేదిక తయారయ్యింది.. మొత్తంగా ప్రణాళిక పూర్తయ్యింది.. నిధులు కూడా సమకూరాయి.. అంతా సవ్యంగా ఉంది.. ఆర్బిటర్ నిర్మాణం చాలా తక్కువ సమయంలోనే పూర్తిచేసి శుక్రుడిపైకి పంపడం భారత్‌కు సాధ్యమవుతుంది.. ఎందుకంటే ఈ సామర్థ్యం ఇస్రోకు ఉంది’’ అని అన్నారు. శుక్ర గ్రహం మిషన్‌పై ఇస్రో ఒక రోజు వర్క్‌షాపు బుధవారం నిర్వహించింది. ఈ సదస్సులో ప్రారంభోపన్యాసం చేసిన సోమ్‌నాథ్‌.. వీనస్‌ మిషన్‌ ప్రాజెక్టు నివేదిక సిద్ధమైనట్లు తెలిపారు.

డిసెంబరు 2024లో వీనస్‌పై ఆర్బిటర్‌ ప్రయోగానికి ఇస్రో ప్రణాళికలు రచిస్తోంది. ఎందుకంటే ఆ తర్వాతి ఏడాదే భూమి, శుక్రుడు ఒకే సరళరేఖపైకి రానుండగా.. ఆ సమయానికి ఆర్బిటర్‌ను ఆ గ్రహ కక్ష్యలోకి ప్రవేశపెట్టాలని భావిస్తోంది. తదుపరి 2031లో భూమి, శుక్రుడు ఒకే వరుసలోకి రానున్నారు. చంద్రయాన్-1, మార్స్ మిషన్ సందర్భంగా సాధించిన ఫలితాలు శుక్రుడి మిషన్‌లో రాబట్టాలని ఇస్రో ఛైర్మన్ సోమ్‌నాథ్ ఈ సందర్భంగా శాస్త్రవేత్తలకు సూచించారు.. అయితే, వీనస్ మిషన్ కోసం ఇస్రో అధికారికంగా టైమ్‌లైన్‌ను ఇంకా విడుదల చేయలేదు.

ఈ మిషన్‌లో వీనస్ ఉపరితల ప్రక్రియలు, నిస్సార ఉపరితల స్ట్రాటిగ్రఫీ, క్రియాశీల అగ్నిపర్వత ప్రాంతాలు, లావా ప్రవాహాలు, వాతావరణ నిర్మాణం అధ్యయనం, వీనస్ ఐయోనోస్పియర్‌తో సౌర గాలి పరస్పర చర్యలపై పరిశోధనలు చేయనున్నారు. ఇస్రోతో పాటు నాసా కూడా రెండు అంతరిక్ష నౌకలను వీనస్‌పైకి పంపుతోంది. వీనస్ ఉపరితల అన్వేషణకు అమెరికా దాదాపు 1 బిలియన్ డాలర్లు కేటాయించింది. అదేవిధంగా, ఐరోపా స్పేస్ ఏజెన్సీ కూడా ఒక మిషన్‌ను ప్రకటించింది. ఈయూ స్పేస్ ఏజెన్సీ పంపబోయే ఎన్విజన్.. శుక్రుని చుట్టూ ఉండే కక్ష్య, ఎగువ వాతావరణంపై అధ్యయనం చేస్తుంది.

మన సౌర కుటుంబంలోని అత్యంత వేడి గ్రహం శుక్రుడు. దీనిని భూమికి కవల గ్రహం, పొరుగు గ్రహం అని పిలుస్తుంటారు. ఒకప్పుడు భూగ్రహంపై ఉండే వాతావరణమే అక్కడా ఉండేదని, ఆ తర్వాత తీవ్రమైన వేడిగా మారిందని శాస్త్రవేత్తలు పేర్కొంటున్నారు.

[ad_2]
Source link

Back to top button