Techinical News

gsat-24, జూన్ 22న ఫ్రెంచ్ గయానా నుంచి నింగిలోకి జీ-శాట్ 24 – ariane rocket to carry isro gsat-24 satellite on june 22nd from kourou space centre

[ad_1]

దేశీయ డీటీహెచ్ అవసరాల కోసం ప్రత్యేకంగా రూపొందించిన జీశాట్‌-24 ఉపగ్రహాన్ని జూన్‌ 22న కక్ష్యలో ప్రవేశపెట్టేందుకు భారత అంతరిక్ష పరిశోధన సంస్థ(ISRO) సన్నాహాలు చేస్తోంది. ఈ ఏడాది తొలినాళ్లలో శ్రీహరికోటలోని సతీశ్ ధావన్ స్పేస్ సెంటర్ నుంచి జీఎస్‌ఎల్‌వీ-మార్క్‌3 ద్వారా జీశాట్-3ని నింగిలోకి పంపాలని ఇస్రో భావించింది. కానీ, ఇది సాధ్యపడకపోవడంతో తాజాగా, ఫ్రెంచ్ గయానాలోకి కౌరు అంతరిక్ష కేంద్రం నుంచి ప్రయోగించాలని నిర్ణయించింది. యూరోపియన్‌ యూనియన్‌కు చెందిన ఏరియన్‌-5 రాకెట్‌ ద్వారా దీనిని పంపనున్నారు. కాగా, ప్రయోగానికి అవసరమైన నిధులను ఇస్రోకు చెందిన వాణిజ్య విభాగం ఎన్‌ఎస్‌ఐఎల్‌ సమకూర్చింది.

ఏరియన్‌ స్పేస్‌ ద్వారా కక్ష్యలోకి పంపుతున్న 25వ భారతీయ ఉపగ్రహం ఇది. ప్రయోగం గురించి ఏరియన్‌స్పేస్ సంస్థ ట్విట్టర్‌లో వెల్లడించింది. ‘‘హలో విన్నారా! మా VA257 రెండో ప్రయాణీకుడు GSAT-24కి స్వాగతం. భారత అంతరిక్ష పరిశోధన సంస్థ నిర్మించిన ఈ ఉపగ్రహం జూన్ 22న మా ఏరియన్5 అలాంచర్ ద్వారా ప్రయోగించనున్నాం… వివరాలు మేం మీకు తెలియజేస్తాం’’ అని తెలిపింది.

భారత ఉపగ్రహాన్ని భారత వైమానిక దళానికి చెందిన విమానం నుంచి దింపుతున్న కంటెయిన‌ర్‌ను కూడా అంతరిక్ష సంస్థ షేర్ చేసింది. డీటీహెచ్ అప్లికేషన్ అవసరాలను తీర్చడం కోసం జీశాట్-24ను టాటా స్కైకి లీజుకు ఇవ్వనున్నారు. ఇస్రో నిర్మించిన నాలుగు టన్నుల క్లాస్ కమ్యూనికేషన్ ‘కు-బ్యాండ్’ శాటిలైట్ GSAT-24 వాణిజ్య ప్రాతిపదికన న్యూస్పేజ్ ఇండియా లిమిటెడ్ యాజమాన్యంలో ఉంటుంది.

గతేడాది సెప్టెంబరు 28న GSAT-24 టెలికమ్యూనికేషన్ ఉపగ్రహాన్ని ప్రయోగించడానికి ఏరియన్‌స్పేస్‌కు అప్పగించినట్టు యూరోపియన్ స్పేస్ ఏజెన్సీ తెలిపింది. అయితే, ఈ ఉపగ్రహాన్ని ప్రయోగించడానికి జీఎస్ఎల్వీ- మార్క్3 ఎందుకు ఉపయోగించడం లేదు అనేది సమాధానం లేని ప్రశ్నగా మిగిలిపోయింది.

[ad_2]
Source link

Back to top button