Techinical News

strawberry moon 2022, Super moon నేటి రాత్రికి ఆకాశంలో అద్భుతం.. స్ట్రాబెర్రీ మూన్‌’గా పున్నమి చంద్రుడు – how and when to watch strawberry moon at night sky in telugu

[ad_1]

జ్యేష్ట పౌర్ణమి వేళ ఆకాశంలో మంగళవారం రాత్రి అద్భుతం కనువిందు చేయనుంది. ప్రపంచవ్యాప్తంగా నేటి పున్నమి చంద్రుడికి ఎన్నో విశేషాలు, ప్రత్యేకతలు ఉన్నాయి. నేటి పూర్ణ చంద్రుడిని ఫుల్ మూన్ అని, స్ట్రాబెర్రీ సూపర్ మూన్ అని, మెడ్, హనీ మూన్, రోజ్ మూన్ ఇలా పలు రకాల పేర్లతో పిలుస్తారు. భారత్‌లో వ్రత పౌర్ణమి అని కూడా అంటారు.
మంగళవారం, బుధవారాల్లో సాయంత్రం నుంచి పూర్ణచంద్రుడు దర్శనం ఇవ్వనున్నాడు. భూమికి అత్యంత సమీపంగా చంద్రుడు వచ్చే పౌర్ణమిని ఫుల్ మూని అని చెబుతుంటారు.

ఆ సమయంలో భూమి, చంద్రుడికి మధ్య దూరం 3,63,000 కిలోమీటర్లు ఉంటుంది. భూమికి ఇంత దగ్గరగా వచ్చినప్పుడు చంద్రుడు మరింత ప్రకాశవంతంగా, పరిమాణంలోనూ పెద్దగా కనిపిస్తాడు. సాధారణ పౌర్ణమి రోజుల్లో కనిపించే పరిమాణంతో పోలిస్తే ఈ రోజు చంద్రుడి ఆకారం మరింత పెద్దగా ఉంటుంది. అలాగే, 10 శాతం ఎక్కువ ప్రకాశవంతంగా కనిపిస్తాడు. భూమి నుంచి 4,05,000 కిలోమీటర్ల దూరానికి చంద్రుడు వెళ్లినప్పుడు దాన్ని దూరంగా పరిగణిస్తుంటారు.

నాసా ప్రకారం ఒక సూపర్‌మూన్ దాని కక్ష్యలో భూమికి చాలా దూరంలో ఉన్నప్పుడు సాధారణ కంటే 17% పెద్దదిగా, 30% ప్రకాశవంతంగా కనిపిస్తుంది. సూపర్‌మూన్‌ చాలా అరుదుగా ఏడాదికి మూడు నుంచి నాలుగు సార్లు సంభవిస్తాయి. ఈ ఏడాదిలో వచ్చిన మూడు సూపర్‌మూన్‌లలో మొదటిది స్ట్రాబెర్రీ మూన్. అమెరికా ఈశాన్యం, తూర్పు కెనడా అల్గోన్క్విన్ ప్రాంతంలోని స్థానిక గిరిజన తెగలు ఈ కాలంలో స్ట్రాబెర్రీలను పండిస్తుంటారు. అందుకే దీనికి స్ట్రాబెర్రీ సూపర్ మూన్ అనే పేరు వచ్చింది.

ఐరోపాలో దీన్నే హానీమూన్, రోజ్‌మూన్ అని పిలుస్తారు. అక్కడ జూన్ చివరి నుంచి తేనె సాగు కాలం కావడంతో ఈ హనీమూన్, ఈ కాలంలో గులాబీలు ఎక్కువగా పుష్పిస్తుంటాయి కాబట్టి రోజ్‌మూన్ అంటారు. ఇంకా ఫ్లవర్ మూన్, హాట్ మూన్, ప్లాంటింగ్ మూన్ అనే పేర్లు కూడా ఉన్నాయి. ఇక హిందువులకు వ్రత పూర్ణిమ ఇది. ఈరోజున వివాహితలు మర్రి చెట్టుకు ముడుపు కట్టి ఉపవాస దీక్ష చేస్తారు. తద్వారా తమ భర్తలు దీర్ఘాయిష్షు పొందుతారని నమ్మకం. అంతేకాదు, ఏడేడు జన్మలకూ వీళ్లే తమ భర్తలుగా రావాలని కోరుకుంటారు.

ఇక, బౌద్ధులు ఈ పౌర్ణమిని పోసన్ పోయ అని పిలుస్తారు. మంగళవారం సాయంత్రం 5 గంటల తర్వాత ఆకాశంలో తూర్పు వైపున చూస్తే చంద్రుడి దర్శనం అవుతుంది. రాత్రి మరింత ప్రకాశంగా ఉంటుంది.

[ad_2]
Source link

Back to top button