flashnews

chicago shooting, ఇండిపెండెన్స్ డే పరేడ్‌పై కాల్పుల మోత.. చికాగోలో మృత్యుఘోష – multiple people shot at independence day parade in chicago suburb of highland park on july 4

Authored by Samayam Telugu | Updated: Jul 4, 2022, 11:42 PM

Chicago Independence Day: చికాగోలో స్వాతంత్య్ర దినోత్సవ పరేడ్‌పై ఓ దుండగుడు తుపాకీతో రెచ్చిపోయాడు. విచక్షణా రహితంగా కాల్పులు జరిపాడు. ఈ ఘటనలో ఏడుగురు దుర్మరణం పాలవగా.. 35 మంది గాయపడినట్లు తెలుస్తోంది.

 

Chicago Shooting
చికాగోలో ఇండిపెండెన్స్ డే పరేడ్ లక్ష్యంగా ఓ దుండగుడు కాల్పులకు తెగబడ్డాడు. ఈ ఘటనలో 5 మంది దుర్మరణం పాలవగా 16 మంది గాయపడినట్లు చికాగో సన్ టైమ్స్ ట్వీట్ చేసింది. ఏడుగురు మృతి చెందగా, 37 మంది గాయపడ్డారని బిజినెస్ స్టాండర్ట్ తన కథనంలో పేర్కొంది. స్వాతంత్య్ర దినోత్సవ పరేడ్ జరుగుతున్న హైలాండ్ పార్క్‌లో దుండగుడు 10 నిమిషాల పాటు కాల్పులు జరిపినట్లు అధికారులు తెలిపారు. అటు వైపు రావొద్దని ప్రజలకు విజ్ఞప్తి చేశారు. పోలీసులు వెంటనే అప్రమత్తమయ్యారని, దుండగుడిని పట్టుకునేందుకు ప్రయత్నిస్తున్నారని తెలిపారు.

ఈ ఘటనలో చాలా మంది ప్రాణాలు కోల్పోయి ఉంటారని కొంత మంది నెటిజన్లు ట్వీట్ చేస్తున్నారు. ఘటనకు సంబంధించిన వీడియోలు సోషల్ మీడియాలో వైరల్ అవుతున్నాయి. పరేడ్ ఆహ్లాదంగా కొనసాగుతుండగా.. ఒక్కసారిగా కాల్పుల శబ్దం వినిపించింది. దీంతో పరేడ్‌లో పాల్గొన్న సిబ్బంది, ప్రజలు భయంతో పరుగులు తీశారు. చిన్నారులను చంకలో పెట్టుకొని ప్రాణభయంలో పరుగులు తీస్తున్న దృశ్యాలు దిగ్భ్రాంతికి గురిచేస్తున్నాయి.

స్థానిక కాలమానం ప్రకారం.. సోమవారం (జులై 4) ఉదయం 10 గంటలకు పరేడ్ ప్రారంభమైన 10 నిమిషాలకే ఈ ఘటన చోటు చేసుకుంది. ఆ వెంటనే స్వాతంత్య్ర దినోత్సవ వేడుకలను రద్దు చేస్తున్నట్లు అధికారులు ప్రకటించారు. ఆ వీధుల్లో ఇంయా యాక్టివ్‌గా ఉన్న గన్ మ్యాన్ కోసం గాలిస్తున్నారు. ఘటనకు సంబంధించిన మరిన్ని వివరాలు తెలియాల్సి ఉంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : multiple people shot at independence day parade in chicago suburb of highland park on july 4
Telugu News from Samayam Telugu, TIL Network

Source link

Back to top button