flashnews

ఆకాశంలో ఉండగా ఫ్లైట్‌లో పొగలు… అత్యవసరంగా ల్యాండింగ్

 ప్రధానాంశాలు:

  • ఢిల్లీ నుంచి జబల్‌పూర్‌కు బయల్దేరిన విమానం
  • అప్రమత్తమై ఢిల్లీకి విమానాన్ని తీసుకొచ్చిన పైలట్లు
  • సురక్షితంగా బయటపడిన ప్రయాణికులు
ఢిల్లీ నుంచి జబల్‌పూర్‌కు వెళ్తున్న స్పైస్‌జెట్ విమానం కేబినెట్‌లో పొగలు వ్యాపించడంతో గందరగోళ పరిస్థితి ఏర్పడింది. విమానం ఐదు వేల అడుగుల ఎత్తులో ఉండగా.. కేబిన్ నుంచి పొగ వస్తున్నట్టు సిబ్బంది గుర్తించారు. దీంతో వెంటనే అప్రమత్తమై పైలట్లు విమానాన్ని తిరిగి ఢిల్లీకి తీసుకొచ్చారని, సిబ్బంది, ప్రయాణికులు క్షేమంగా బయటపడ్డారని స్ప్రైస్ జెట్ ప్రతినిధి వెల్లడించారు.

అయితే అయితే గత కొన్ని రోజులుగా స్ప్రైస్ జెట్ విమానాల్లో సమస్యలు తలెత్తుతూనే ఉన్నాయి. రెండు వారాల సమయంలో ఇలా విమానంలో అనుకోని ఘటనలు తలెత్తడం ఇది ఐదోసారి. జూన్19వ తేదీన ఇలాగే ఓ పెను ప్రమాదం తప్పింది. ఆరోజు స్పైస్‌జెట్ విమానం ఇంజన్‌లో మంటలు చెలరేగాయి. 185 మంది ప్రయాణకులు ఉండగా ఈ ఘటన చోటుచేసుకుంది. విమానం బయల్దేరిన కొంతసేపటికే మంటలు వ్యాపించడంతో వెంటనే విమానాన్ని కిందకు దించేశారు. అయితే ఓ పక్షిని ఢీకొట్టడం వల్లే ఇంజన్ దెబ్బతిందని అధికారులు గుర్తించారు.

అదేరోజు మరో స్పైస్ జెట్ విమానం కూడా గమ్యస్థానానికి చేరకుండానే వెనక్కి వచ్చేసింది. ఢిల్లీ నుంచి జబల్పుర్ బయల్దేరిన ఆ విమానం… కేబిన్‌లో ఒత్తిడి తలెత్తిన కారణంగా వెనక్కి రావాల్సి వచ్చింది. మరోవైపు, జూన్ 24, 25 తేదీలలో కూడా రెండు వేర్వేరు విమానాలు… డోర్స్‌లో ఉన్న హెచ్చరిక వ్యవస్థ.. ఒక్కసారిగా మోగడం వల్ల ముందు జాగ్రత్త చర్యగా విమానాలను ల్యాండ్ చేశారు. ఈ వరస సంఘటనలతో స్పైస్ జెట్‌ ఫ్లైట్‌లో తలెత్తున్న సమస్యలను గుర్తించి.. వెంటనే పరిష్కరించాలని ప్రయాణికులు కోరుతున్నారు.

Back to top button