flashnews

భారత్‌లో పెరుగుతున్న కరోనా కేసులు.. గత 24 గంటల్లో 17 వేలకుపైగా..

భారత్‌లో గత 24 గంటల్లో 17,092 కరోనా కేసులు నమోదు కాగా 29 మంది ప్రాణాలు కోల్పోయారు. అదే సమయంలో 14,684 మంది వైరస్ బారి నుంచి కోలుకున్నారని కేంద్ర ఆరోగ్య శాఖ వెల్లడించింది. దీంతో దేశంలో యాక్టివ్ కేసుల సంఖ్య 1,09,568కి చేరుకుంది. ఇండియాలో డైలీ పాజిటివిటీ రేటు 4.14 శాతానికి చేరుకోగా.. వీక్లీ పాజిటివిటీ రేటు 3.56 శాతానికి చేరుకుంది. దేశంలో ఇప్పటి వరకూ 4,28,51,590 మంది కరోనా నుంచి కోలుకున్నారు. రికవరీ రేటు 98.54 శాతంగా ఉంది. మొత్త కేసుల్లో యాక్టివ్ కేసుల సంఖ్య 0.25 శాతంగా ఉంది. కరోనా బారిన పడి ఇప్పటి వరకూ మన దేశంలో 5,25,168 మంది ప్రాణాలు కోల్పోయారు.

కోవిడ్ కేసులు పెరుగుతుండటంతో కేంద్రం అప్రమత్తమైంది. విదేశాల నుంచి వచ్చే ప్రయాణికుల విషయంలో జాగ్రత్త వహించాలని కేంద్ర ఆరోగ్య కార్యదర్శి రాజేశ్ భూషణ్ రాష్ట్రాలు, కేంద్రపాలిత ప్రాంతాలకు సూచించారు. ఇన్‌ఫ్లూయెంజా ఇన్ఫెక్షన్లు, శారీ కేసులను నిరంతరం పర్యవేక్షించాలని.. జీనోమ్ సీక్వెన్సింగ్ చేపట్టాలని కేంద్రం రాష్ట్రాలను ఆదేశించింది. వ్యాక్సినేషన్ ప్రక్రియను వేగవంతం చేయాలని సూచించింది.

మన దేశంలో ఇప్పటి వరకూ 197.84 కోట్ల వ్యాక్సిన్ డోసులు ఇచ్చారు. గత 24 గంటల్లో 9,09,776 టీకా డోసులు వేశారు. రాష్ట్రాల వద్ద ఇప్పటికీ 11.31 కోట్ల డోసులు అందుబాటులో ఉన్నాయి. గడిచిన 24 గంటల్లో దేశవ్యాప్తంగా 4,12,570 కరోనా టెస్టులు చేశారు. దీంతో ఇప్పటి వరకూ మన దేశంలో 86.32 కోట్ల కోవిడ్ టెస్టులు చేసినట్లయ్యింది.

Source link

Back to top button