Andhra Pradesh

jangareddygudem, అసెంబ్లీలో అదే హైడ్రామా.. వెనుక పెద్ద స్కామే ఉంది.. టీడీపీ ఎమ్మెల్యేల వ్యాఖ్యలు – tdp mlas press meet at assembly over their suspensions

[ad_1]

| Samayam Telugu | Updated: Mar 17, 2022, 12:18 PM

ముఖ్యమంత్రి జగన్‌మోహన్ రెడ్డి అసెంబ్లీలో అవాస్తవాలను ప్రచారం చేస్తున్నారని టీడీపీ ఎమ్మెల్యే నిమ్మకాయల చినరాజప్ప ఆరోపించారు. కల్తీసారా తాగి జంగారెడ్డి గూడెంలో 26 మంది చనిపోయారని.. సాక్షాలు కనిపిస్తున్నా సీఎం అలాంటిదేమీ జరగలేదంటూ వ్యాఖ్యానించడం బాధాకరమన్నారు.

 

ప్రధానాంశాలు:

  • వరుస సస్పెన్షన్లపై టీడీపీ ఎమ్మెల్యేల అసంతృప్తి
  • మాట్లాడాలంటే నోరునొక్కి బయటకు పంపిస్తున్నారు
  • జంగారెడ్డిగూడెం మరణాల వెనుక పెద్ద స్కామే ఉంది: చినరాజప్ప
ఏపీ అసెంబ్లీలో సస్పెన్షన్ల పర్వం కొనసాగుతోంది. జంగరెడ్డిగూడెం ఘటన నేపథ్యంలో చర్చకు పట్టిన టీడీపీ ఎమ్మె్ల్యేలను ఇవాళ కూడా సస్పెండ్ చేశారు. సభకు అంతరాయం కలిగిస్తున్నారన్న కారణంతో సోమవారం నుంచి వరుసగా నాలుగు రోజుల పాటు స్పీకర్ టీడీపీ ఎమ్మెల్యేలపై సస్పెన్షన్ వేటు వేస్తున్నారు. అయితే ఈ రోజు సస్పెన్షన్‌కు గురైన ఎమ్మెల్యేలు అసెంబ్లీ బయటకు వచ్చి ప్రభుత్వంపై ఆరోపణలు చేశారు.

ముఖ్యమంత్రి జగన్‌మోహన్ రెడ్డి అసెంబ్లీలో అవాస్తవాలను ప్రచారం చేస్తున్నారని టీడీపీ ఎమ్మెల్యే నిమ్మకాయల చినరాజప్ప ఆరోపించారు. కల్తీసారా తాగి జంగారెడ్డి గూడెంలో 26 మంది చనిపోయారని.. సాక్షాలు కనిపిస్తున్నా సీఎం అలాంటిదేమీ జరగలేదంటూ వ్యాఖ్యానించడం బాధాకరమన్నారు. ఒక్క జంగారెడ్డిగూడమే కాదని పశ్చిమ గోదావరి జిల్లా మొత్తం మీద సుమారు వంద మంది చనిపోయారని.. కల్తీ నాటుసారా, చీప్ లిక్కర్ మాటున పెద్ద స్కామే నడుస్తుందని ఆరోపణలు చేశారు. మరణించిన వారి వివరాల జాబితాను త్వరలోనే వెల్లడిస్తామని చినరాజప్ప తెలిపారు.

రాజమండ్రి సిటీ ఎమ్మెల్యే ఆదిరెడ్డి భవానీ మాట్లాడుతూ.. అసెంబ్లీలో ప్రభుత్వం తీరును చూస్తుంటే అసలు ప్రజాస్వామ్యం ఉందా లేదా అనే విషయం అర్థం కావడం లేదన్నారు. అసెంబ్లీలో తమకు మాట్లాడే అవకాశం ఇవ్వాలని కోరుతుంటే.. ప్రభుత్వం ఎందుకు భయపడుతుందో తెలియడం లేదన్నారు. 50 మంది మార్షల్స్‌ను అడ్డుపెట్టుకుని ప్రతిపక్షం నోరు నొక్కే ప్రయత్నం చేస్తున్నారని విమర్శించారు. జంగారెడ్డిగూడెం బాధితులందరికీ న్యాయం జరిగే వరకూ టీడీపీ పోరాటం కొనసాగిస్తుందని చెప్పారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : tdp mlas press meet at assembly over their suspensions
Telugu News from Samayam Telugu, TIL Network
[ad_2]
Source link

Back to top button